Bayram xütbəsindən…

 

Azanda “Əşhədu ənnə Əliyyən Vəliyyullah” nə deməkdir?

İslam dinini canlı və dinamik saxlayan azandakı üç şəhadətdir:

• Əşhədu ən lə iləhə illəllah (Tövhid)

• Əşhədu ənnə Muhəmmədən Rəsulullah (s) (Risalət)

• Əşhədu ənnə Əliyyən Vəliyyullah (İmamət)

 

İlk iki şəhadət ümumilikdə bütün müsəlmanlarda var. Amma üçüncü şəhadət, yəni vilayətə şahidlik yalnız vilayət əhli olanlar üçün keçərlidir. Bu, dini qoruyan, onu təfsir edən və insanları hədəfə çatdıran şəhadətdir.

• Şifahi şəhadət var, bir də əməli şəhadət.

• Şifahi şəhadət:

• Azanda söyləməkdir.

• Onun adını, fəzilətlərini dilə gətirmək və tanımaqdır.

• Onun imamətini tanıtmaqdır.

 

Azanda “Əşhədu ənnə Əliyyən Vəliyyullah” demək şifahi şəhadətdir və bununla fəxr edilir. Lakin əgər əməli şəhadət olmazsa, təkcə şifahi şəhadət yetərli deyil və azanın gücü qalmaz. Onda bu azan digər azanlardan fərqlənməz. Şifahi şəhadət əməli şəhadətə aparmalıdır. Əks halda, sadəcə şüar olaraq qalacaq.

• Əməli şəhadət:

• İmamın yolunda getməkdir.

• Onun fiqhini yaşamaq və tətbiq etməkdir.

• Onun siyasi yolunu izləməkdir.

• Tovəlla və təbərra prinsiplərini praktik olaraq həyata keçirməkdir.

 

Əməli şəhadət imamətin fiqhini yaşamaqdır. Azanın mənası “Mən Həzrət Əlinin məktəbindənəm, onun fiqhini qəbul edirəm” deməkdir. Mən Həzrət Əlinin namazına, orucuna və bayramına tabe oluram.

 

Həzrət Əlinin Vəliyyullah olduğuna şahidlik edib, başqa bir fiqhə əməl etmək Həzrət Əlinin məktəbinə uyğun gəlməz.

 

Hər bir müsəlman millətinin fiqhini deyil, məzhəbinin fiqhini izləyər.

Başqasının məzhəbinin fiqhini deyil, öz məzhəbinin fiqhini tətbiq edər.

 

Diqqət edilməli digər bir məsələ:

Quranda buyurulduğu kimi “İbrahim millətinin birliyi” və “Məhəmməd ümmətinin vəhdəti” fərzdir.

 

Digər milli, coğrafi və siyasi birliklər İbrahimi millətin birliyinin və Məhəmmədi ümmətin vəhdətinin kölgəsindədir.

 

Heç bir milli birlik “İbrahimi millətin birliyindən” üstün ola bilməz.

 

Vilayət yolunda olmaq bədəl ödəməyi tələb edir

• İmamət yolunda getmək çətindir, zəhmətlidir və fədakarlıq tələb edir.

• Vilayət yolunda olmaq, din düşmənlərinin qınağına tuş gəlməyi tələb edir.

• İmaməti müdafiə edən vilayət düşmənləri tərəfindən lağa qoyulmağa hazır olmalıdır.

• İmamətin inancını, fiqhini və siyasətini müdafiə edən şəxs əziyyətlərə, çətinliklərə və sınaqlara dözməyə hazır olmalıdır.

• Vilayət aşiqi olduğunu iddia edən şəxs öz nüfuzunu, şəxsiyyətini vilayət yolunda fəda etməyə hazır olmalıdır.

 

Rəbbim bizi vilayət yolunda sabit qılsın, vilayət uğrunda yaşamağı, şəhadət şərbətini içməyi və vilayət əhli ilə məhşur olmağı nəsib etsin.

 

Bayramınız mübarək olsun!