1- İsrail adlı birlik/saxta xalq rejiminin Qərb və regiondakı bəzi İslam ölkələrinin dəstəyi olmadan yaşaya bilməyəcəyi sübut edilmişdir.
2- Media imperiyasının bütün manipulyasiyalarına baxmayaraq, Fələstinin işğalçısı olan rejim hərbi cəhətdən o qədər güclü deyildi. Əl-Əqsa tufanı əməliyyatından 7 ay keçməsinə baxmayaraq, qırğın və soyqırımdan başqa heç bir hərbi məqsədə nail ola bilməyib.
3-Sionist rejimin özünü müdafiə etməkdə acilzliyi açıq aşkar üzə çıxdı. İranın “Doğru vəd” əməliyyatı bu faktı ortaya çıxarıb. ABŞ, İngiltərə və Fransa başda olmaqla bütün NATO ölkələri hər cür elektron/kiber, hava hücumundan müdafiə bazaları və müasir təyyarələri səfərbər etsə də, İranın PUA-ları, ballistik və qanadlı raketləri İsrailin müdafiə xətlərini keçərək ən strateji hədəflərə çata bilmişdir. Bazaların vurulması bunun ən bariz sübutudur.
4- İsrailin saxta rejimini qorumağı özünə vəzifə kimi görən Qərb və Qərbin döyüş aparatı NATO Müqavimət Cəbhəsinə qarşı dənizdə heç bir müqavimət göstərə bilmədi. Hörmüz boğazı yaxınlığında İsrailin nəhəng ticarət gəmisinin (dəyəri 200 milyon dollar) ələ keçirilməsi əslində Qərbə və regiondakı işbirlikçi rejimlərə açıq xəbərdarlıqdır: Ehtiyatlı olun, korlanmış fido İsraili cilovlayın, Hörmüzdən, Ərəb dənizindən və Bab'ul Mandebdən bir barel neft ala bilməyəcəksiniz.
5- İsrail ABŞ-ın dəstəyi olmadan İrana birbaşa hücum edə bilməz. İsrailin xüsusilə F35 və F16 tipli təyyarələri ilə İrana hücum edib bazalarına qayıtması mümkün deyil. Havada yanacaq doldurulması ABŞ və bəzi ərəb ölkələrindən asılıdır. Nə ABŞ, nə də region ölkələri bu riski və onun nəticələrini daşımaq iqtidarında deyil. Belə bir vəziyyətdə İranın hava hücumundan müdafiə sistemlərinin hücumu riskini öz üzərinə götürməklə yanaşı, ABŞ-ın bölgədəki aviadaşıyıcılarının və bazalarının taleyini də düşünməli olurlar.
Bu faktdan xəbərdar olan ABŞ prezidenti Co Bayden bu məsələ ilə bağlı İsrailə açıq şəkildə xəbərdarlıq edərək, İsrailin İrana mümkün hücumunda ABŞ-dan heç bir yardım olmayacağını bəyan edib.
6- Bu gün Müqavimət Cəbhəsi regionda tarazlıqların müəyyən edilməsində əsas tərəflərdən biridir. Bu, təsadüfən yaranmış vəziyyət deyil. 45 ildir ki, bu yolda on minlərlə şəhid itirmiş, tarixin ən qəddar və amansız mühasirə və sanksiyalarına məruz qalmış, cahil/təkfirçilərin və münafiqlərin böhtanlarına rəğmən vəhdət prinsipindən heç vaxt vaz keçməmişlər. Həmişə müsəlmanların və məzlumların, xüsusən də bölgə xalqının istiqlaliyyəti və azadlığı üçün hər şeyi etmişlər.
Amma şər qüvvələr, xüsusilə NATO, Müqavimət Oxunun bu uğurunu zərərsizləşdirmək üçün yeni sui-qəsd planları qurur. Bu sui-qəsd planlarından ən önəmlisi “iki dövlətli həll planıdır”. Fələstin dövlətinin yaradılması BMT-nin 1948-ci ildən bəri qəbul etdiyi qərarlarda artıq bəyan edilib. Amma bu qərarlar indiyə qədər həyata keçirilməyib və son zamanlar Abraham razılaşması ilə Fələstin davasının tamamilə unudulması və ortadan qaldırılması nəzərdə tutulduğu halda, Müqavimət Oxunun gücləndirilməsi ilə yenidən gündəmə gətirilib. Məqsəd fələstinliləri müstəqil dövlət kimi tanımaq deyil, işğalçı rejimin məyus varlığını marionet Fələstin liderləri vasitəsilə uzatmaqdır. İsrailin açıq-aşkar müxalifətinə baxmayaraq, Qərb dövlətləri üçün yeganə həll yolu oyuncaq Fələstin dövlətinin yaradılmasıdır.
Məqsəd bu yolla həm nüfuzu Əl-Əqsa tufanı əməliyyatı ilə məhv edilmiş İsrailə beynəlxalq aləmdə yeni mövqe vermək, həm də bölgədəki barışdırıcı, ikiüzlü rejimlərin öz xalqı qarşısında reputasiyasını bərpa etməkdir. Əks halda, bölgədə yaranan yeni tarazlıqlar qarşısında bu barışdırıcı və bəzən də oyuncaq rejimlərin İsraillə barışıq və əməkdaşlığı inkişaf etdirmək cəhdləri bölgənin müsəlman xalqları tərəfindən uzun müddət dözülməz olacaq. Çünki, əksinə olaraq, müsəlman xalqlar Müqavimət Oxunun Fələstin davası istiqamətində irəliləyişini ümidlə izləyir və bununla fəxr edirlər. Bu müsbət psixoloji atmosferin hansı nəticələrə səbəb ola biləcəyini hesablayan şər qüvvələr xilası yenidən iki dövlətli həlldə görürlər. Əhalisinin yarıdan çoxu mühacirətdə yaşayan marionet Fələstin dövlətinin kimin məqsədlərinə xidmət edəcəyi göz qabağındadır.
Müqavimət cəbhəsindən başqa bütün region ölkələrinin rejimləri son zamanlar eyni sui-qəsd planına töhfə vermək üçün birdən-birə hərəkətə keçərək Fələstinin himayədarına çevriliblər. Bu rejimlər əslində problemi ört-basdır etməklə öz çirklənmiş ləyaqətlərini təmizləməyi hədəfləyirlər.
Lakin Fələstin məsələsinin yeganə həlli Fələstinin əsl sakinlərinin öz vətənlərinə qayıtması, başqa ölkələrdən cəlb edilmiş işğalçıların/terrorçu dəstələrin geri qayıtması və yerli xalqın azad iradəsi ilə təyin olunan dövlətin qurulmasıdır.
Bu, bu qədər mübarizədən, fədakarlıqdan sonra əldə olunması mümkün olmayan məqsəd deyil.
İstənilən halda Fələstində başqa heç bir həll daimi ola bilməz. İndiki vəziyyət işğalçıların nəzarəti altında bir kukla komandası tərəfindən idarə olunmaqdan qat-qat şərəflidir.
Müqavimət Oxunun da bu köhnə, lakin yeni gündəmə gətirilən sui-qəsd planına icazə verməyəcəyi gözlənilir.
