“Yoxsa sizdən əvvəl gəlib keçənlərin (başına gələnlərin) bənzəri sizin başınıza gəlməmiş cənnətə daxil olacağınızımı güman edirsiniz?!” Bəqərə/214

 

İsmayıl Həniyə kimi ailə üzvlərinin və yaxın qohumlarının qırxa yaxını şəhid olmasına baxmayaraq dimdik duran, şəhadət arzusunda olan, şəhadətindən saatlar əvvəl Ayətullah Xamenei ilə görüşündə“Bir igid ölür, bir igid dirilir, İslam ümməti əbədi qalacaqdır” deyən biri üçün normal ölüm deyil, şəhadət yaraşardı.

Ayətullah Xamenei bu böyük mücahidin şəhadəti münasibəti ilə dərc etdiyi mesajda “ev sahibi kimi bizim borcumuzdur ki, intiqam alaq” və sionist rejimə lazımi cavabın veriləcəyini bildirib və əlaqədar qurumlar üçün vəzifə müəyyənləşdirib.

Sionist Rejim və Qərbi Müstəkbir Sistemi Allahın həqiqi bəndələrindən birinin şəhadəti ilə müvəqqəti olaraq sevinə bilər, lakin onların sərxoşluğu inşallah uzun sürməyəcək.

İçimizdəki kafir, münafiq və təəssübkeş təbəqələrin başda İran olmaqla Müqavimət Cəbhəsini onun dostlarını və qonaqlarını qorumaq iqtidarında olmamaları, qisas diskursunda zəif və təsirsiz reaksiyalar göstərəcəkləri kimi düşmənçilik təbliğatına gəlincə;

 

1- HƏMAS-ın Siyasi Rəhbəri İsmayıl Haniyənin Tehranda olarkən şəhid edilməsi strateji deyil, simvolik bir hadisədir. Bu o demək deyil ki, hadisə əhəmiyyətsizdir, lakin düşmən baxımından onun müharibə/müqavimətin seyri ilə bağlı həlledici tərəfi yoxdur. Çünki bu qətl bölgədəki müqavimət cəbhəsinə, xüsusilə Fələstin müqavimətinə zərrə qədər mənfi təsir buraxmayacaq, əksinə, müqavimətin əzmini və gücünü daha da artıracaq. Hadisənin İranda Müqavimət Cəbhəsinin mərkəzi olan paytaxt Tehranda baş verməsi həzm olunması asan hadisə olmadığı üçün psixoloji aspektləri baxımından kifayət qədər ağırdır.

 

2-Həqiqət budur ki, terror dəstələri rejimi arxasında Qərbin bütün müstəkbir gücləri olmasına baxmayaraq, yox olmaq üzrə getdiyinin fərqindədir. Bu müəyyən məqsədin qarşısını almaq üçün hər vasitəyə əl atır. Sionistlərin son 24 saatda Livan, İraq, Suriya və İranda əl atdıqları terror bu çərçivədə qiymətləndirilməlidir.

 

3- Terrorla müharibəni qarışdırmamalıyıq. Elan edilməsə də, tarixdən gələn bir ənənə kimi müharibə qaydaları var. Şəhid İsmayıl Haniyəyə hücum dövlət terrorunun bir növüdür və bu üsul mövcudluğu qeyri-qanuni olan sionist rejimə xasdır. Şəhid Haniyə rəsmi dövlət məmuru və başqa ölkənin rəsmi qonağıdır. Belə bir qətlə əl atan rejim, varlığını təhlükə altında gördüyü üçün hər cür çılğınlığa əl atmaqdan çəkinmir və mövcud beynəlxalq nizamın qurucusu və qoruyucusu olduğunu iddia edənlər də bu qətli bəyənirlər.

 

4-Müstəkbir sisteminin son terror hücumları texnoloji üstünlüyə işarədir və döyüş meydanında məğlubiyyətlərini ört-basdır etmək məqsədi daşıyır. Hərbi və kəşfiyyat sahəsində ən son elmi-texnoloji ixtiralardan, o cümlədən süni intellektdən istifadə edən Qərb imperializmi özünün bütün mənəvi dəyərlərini tapdalayıb.

 

5- Aydındır ki, İran texnoloji, hərbi, iqtisadi və media gücü baxımından Qərbin müstəkbir gücləri ilə müqayisə oluna bilməz. Amma qeyri-mütənasib gücə baxmayaraq, heç vaxt təslim olmadı, bölgədəki müqavimət komponentlərini dəstəkləməkdən də çəkinmədi. Bu müddət ərzində hərbi və texnologiya sahəsində əhəmiyyətli irəliləyişlər əldə edən İran hər gün dostlarına ümid, düşmənlərinə isə qorxu bəxş edərək əvvəlkindən daha yüksək dayanır. 40 il əvvəl tikanlı məftillər belə istehsal edə bilməyən İran indi mülki sahədə nüvə və nano texnologiyaya yiyələnib və beş min kilometr mənzilli idarə olunan, ballistik və səsdən sürətli raketlər istehsal etmək səviyyəsinə çatıb. Həmçinin hərbi sahədə müasir silahlar, tanklar, təyyarələr və hava hücumundan müdafiə sistemləri də bu uğura əlavə edilməlidir. Yaxın gələcəkdə Qərbin müstəkbir gücləri ilə fərqi aradan qaldırmaq üçün səylər göstərir. Bunu bilən şər qüvvələr son qarşıdurmanı önə çəkməyə çalışırlar.

 

6- İslam İnqilabının qələbəsindən sonra dəfələrlə birbaşa hərbi hücumlara, daxili qarışıqlıqlara, minlərlə terror əməliyyatlarına və ən ağır embarqolara məruz qalmasına baxmayaraq, daim güclənən və regionda azadlıq hərəkatlarını təşkil edən və dəstəkləyən İranın bu pozisiyası  Qərb Müstəkbir gücləri tərəfindən həzm edilə bilməz. Bu səbəbdən İran və onun dost və müttəfiqləri bundan sonra amansız hücumlara məruz qalacaqlar. Bu mübarizə, şübhəsiz ki, tərəflərdən birinin məğlubiyyəti ilə nəticələnəcək. Haqqın tərəfində olanlar, haqqın batilə, məzlumun zalıma qalib gələcəyinə qəti inanırlar.

 

7- Haqq cəbhəsinin sıraları günü-gündən aydınlaşır. Rusiya və Çin kimi qüdrətli dövlətlər öz maraqlarına görə bəzi mövzularda Müqavimət Cəbhəsi ilə əməkdaşlıq etsələr də, rəqibləri olan Qərb imperializminin qətllərini pisləsələr də, heç vaxt tağutun/qatilin qarşısını almağa çalışmırlar. Və yenə də Qərb Müstəkbir Sisteminə arxalanaraq və onunla əməkdaşlıq etməklə öz bədbəxt varlıqlarının davamını görən İslam ölkələrinə hakim olan rejimlərin çoxu batil/Qərbin tərəfindədir. İslamın təhrif xəttində israrla addımlayan  məzhəbçi müsəlmanlar, paxıllıqlarından istəyərək və ya bilməyərəkdən batil qüvvələrin cərgəsində hərəkət edirlər. Çox gec olmadan inadlarından əl çəkəcəkləri və İslam düşmənlərinə könüllü xidmət etməkdən əl çəkəcəkləri ümid edilir.

 

Yuxarıdakı açıqlamalar fonunda Müqavimət Cəbhəsinin dostları bilməlidirlər ki, gündən-günə güclənən bu mübarizə növbəti aylarda və illərdə daha geniş miqyasda və daha çətin şərtlər altında davam edəcək. Qərbin və onun nümayəndəsi sionist rejiminin son terrorları və aşkar psixoloji üstünlük manevrləri heç vaxt dindarları məyus etməməlidir. Heyifsilənmək və ümidsiz olmaq deyil, hazırlaşmaq, zəiflikləri/nöqsanları düzəltmək, faktlarla üzləşmək və mübarizəyə hazırlaşmaq vaxtıdır.

 

 Salam olsun hidayətə tabe olanlara.