• Dünyada ən çox zülmə, qətliama məruz qalan xalq Fələstin xalqıdır. Fələstinlilərdən daha çox zülmə məruz qalan bir millət yoxdur. 80 ildir sahibsiz olaraq dünyanın ən güclü imperialistlərinə qarşı mübarizə aparırlar.

• Torpaqları işğal edilib,

• Evlərindən qovulublar,

• Sahib olduqları hər şey əllərindən alınıb,

• Dörd nəsildir qətliamlara məruz qalıblar, amma təslim olmayıblar.

Allah-Təala Fələstin torpaqlarını və Fələstin davasını qlobal bir imtahan vasitəsi qərar vermişdir. Bu, haqlı və batil tərəflərin ayrılmasına, cəbhələrin müəyyənləşməsinə səbəb olan bir sınaqdır.

Fələstin torpaqları və Məscidül-Əqsa
Bura bir çox peyğəmbərin və üç böyük dinin mərkəzi olmuşdur. Buna görə də, qlobal əhəmiyyətə malikdir və bütün möminləri maraqlandıran bir məsələdir.

Qüds Gününün həqiqəti

Qüds Günü, bu qlobal imtahanı üzə çıxarmaq üçün mövcuddur. Qüds Günü sadəcə adi bir gün deyil. Bu gün, fikirlərin rəngini müəyyənləşdirən, bir illik mübarizənin cəbhəsini bəlli edən bir gündür. Sadəcə bir günlə məhdudlaşmır, əksinə, bütöv bir ili istiqamətləndirən, hərəkətə gətirən bir gündür.

Dünyada bütün xalqlar üçün haqq və batil cəbhəsi tam dəqiqliklə müəyyən edilməyib. Haqq cəbhəsi – yəni müqavimət tərəfi – daim meydandadır. Batil cəbhəsinə mənsub olan kafirlər, müşriklər və zalımlar cəbhələrini açıq bəlli etsələr də, hələ də ikiüzlülük maskasını qoruyan münafiq müsəlman rejimlər mövcuddur.

"Möminlərlə qarşılaşanda ‘inandıq’ deyərlər, şeytanları ilə tək qaldıqda isə ‘şübhəsiz ki, biz sizinləyik, biz sadəcə istehza edirik’ deyərlər." (Bəqərə, 14)

Bəzi insanların üzərində hələ də nifaq pərdəsi var. Onlar ikiüzlü və münafiqdirlər.

Öz xalqlarından qorxduqları üçün hələ də bu pərdəni qoruyurlar. Batil cəbhəsi ilə ittifaq bağlayır, anlaşmalar imzalayırlar. Ancaq görünüşdə haqq və müqavimət cəbhəsinin yanında olduqlarını söyləyirlər. Əməl baxımından isə batil cəbhəsinə xidmət edirlər.

Buna görə də:

• Qüds Günü bir rəmz və simvoldur.

• Məzlumların və zəiflərin haqqını müdafiə etməkdir.

• Zülmə, işğala və qətliama qarşı dayanmaqdır.

• İrqindən, dinindən, milliyyətindən asılı olmayaraq insan şərəfini qorumaqdır.

Buradan Qərbə səslənirik:

Siz guya qlobal dəyərləri müdafiə edirsiniz, elə deyilmi?

• Hər insanın yaşamaq haqqı olduğunu deyirsiniz – bəs Fələstinli insan deyilmi?

• Hər insanın hüquq və azadlıqlara malik olması lazım olduğunu iddia edirsiniz – bəs Qəzzəli insan deyilmi?

• Dünyada hər yerdə və hər kəs üçün sülh və təhlükəsizlik istəyirsiniz – bəs niyə Qəzzədə yoxdur?

• Bütün dünya üçün ədalət tələb edirsiniz – bəs Fələstin və Qəzzəlilər üçün ədalət haradadır?

Bu dəyərləri qorumaq və yaşatmaq bütün bəşəriyyətin vəzifəsidir. Lakin imperialist güclər bu dəyərləri dil ilə müdafiə edib, əməldə isə tam əksini edirlər.

Ey Qərbin bəşəri sistemləri!
Cəmiyyətlər bu qlobal dəyərlər uğrunda ayağa qalxdıqda, artıq edəcək bir şeyiniz qalmayacaq.

Nə edirsiniz edin, hansı qanunu çıxarırsınız çıxarın, nə qədər qadağa qoyursunuz qoyun – insanların oyanmasını əngəlləyə bilməyəcəksiniz.

İnsanların vicdanı oyanır, mediadakı dezinformasiya cəhdləri həqiqətləri gizlətməyə kifayət etməyəcək.

Haqqı müvəqqəti olaraq pərdələyə bilərsiniz, lakin onu yox edə bilməyəcəksiniz. Haqq olan müqavimət cəbhəsi qalib gələcək!

Vəssalam Əleykum.