Yanğın buxarlanma hovuzlarında baş verib
İraq Neft Nazirliyinə bağlı “Orta Neft Şirkəti”nin baş direktoru Məhəmməd Yasin bildirib ki, Əl-Əhdəb neft yatağında baş vermiş yanğın tamamilə söndürülüb.
İçindəkilər
Onun sözlərinə görə, yanğın neft və su qarışığının toplandığı buxarlanma hovuzlarının 6-cı hissəsində başlayıb, daha sonra isə 4-cü hovuzun başlanğıc hissəsinə keçib.
İstehsala təsir olmayıb
Rəsmi açıqlamada qeyd olunub ki, yanğın nəticəsində insan tələfatı və ya maddi ziyan qeydə alınmayıb.
Bildirilib ki, hadisə neft hasilatına və istehsal prosesinə heç bir təsir göstərməyib, həmçinin zəhərli qaz sızması da baş verməyib.
Yanğının səbəbi araşdırılır
Məhəmməd Yasin bildirib ki, yanğının dəqiq səbəbi hələ müəyyən edilməyib.
İlkin ehtimallara görə, hadisəyə havanın həddindən artıq isti olması və ya elektrik qığılcımı səbəb ola bilər.
