“Müharibə Trampın nəzarətindən çıxıb”
ABŞ-ın “New York Times” qəzeti Donald Tramp administrasiyasının İrana qarşı apardığı müharibənin təhlükəli mərhələyə keçdiyini yazıb.
Nəşr vurğulayıb ki, ən böyük problem müharibənin başlanması deyil, artıq prosesin ABŞ prezidentinin nəzarətindən çıxmasıdır.
“Bir neçə hava zərbəsi ilə nəticə əldə olunmadı”
Qəzetin təhlilinə görə, Tramp İran hakimiyyətini məhdud sayda hava zərbələri və ölkədaxili etirazlar vasitəsilə zəiflədə biləcəyini düşünürdü. Lakin hadisələrin inkişafı bu hesablamaların özünü doğrultmadığını göstərib.
Məqalədə qeyd olunur ki, mövcud vəziyyət regiondakı qarşıdurmanı daha da dərinləşdirərək nəzarətsiz eskalasiya riskini artırır.
“Dünya daha böyük müharibəyə yaxınlaşır”
“New York Times” xəbərdarlıq edib ki, beynəlxalq ictimaiyyət sürətlə daha genişmiqyaslı müharibə təhlükəsinə yaxınlaşır və hazırkı mərhələdə proseslərə tam nəzarət edən tərəf görünmür.
Nəşr mümkün fəlakətin qarşısını almaq üçün təcili siyasi və diplomatik addımların atılmasının vacibliyini vurğulayıb.
Digər Qərb nəşrləri də xəbərdarlıq edir
Bundan əvvəl “Financial Times” da İranın son aylarda ABŞ-la qarşıdurmada müdafiədən hücuma keçdiyini, Vaşinqtona uzunmüddətli qarşıdurmanın qiymətini artırmağa çalışdığını yazmışdı.
Qəzet həmçinin Donald Trampın İrana qarşı hərbi əməliyyatları yenidən genişləndirməsinin onun ikinci prezidentlik dövrü üçün ciddi siyasi risklər yarada biləcəyini qeyd etmişdi.
