Şeyx Nəim Qasim: “Mülki iştirak şərtsiz mümkün deyil — bu addım yeni bir səhvdir”
Hizbullahın baş katibi Şeyx Nəim Qasim “Nəci və Midad” adlı tədbirdə çıxış edərək, atəşkəsin monitorinqi üçün nəzərdə tutulan “mekanizm” komitəsinə mülki rəhbərin daxil edilməsini kəskin şəkildə tənqid edib. O bildirib ki, bu addım əvvəldən elan olunmuş şərtlərə — yəni mülki üzvün yalnız düşmənçilik aktları dayandırıldıqdan sonra qəbul edilə biləcəyi prinsipinə — ziddir.
Qasim bu qərarı “5 avqust səhvinə əlavə olunmuş yeni bir büdrəmə” adlandıraraq vurğulayıb ki, bu kimi addımlar İsrailin tələbləri ilə üst-üstə düşür və regionda gərginliyə xidmət edir.
“Biz birləşsək, heç kim bir şey edə bilməz”
Şeyx Qasim qeyd edib ki, Hizbullah üzərinə düşəni edib və dövlətin cənub bölgəsində suverenliyini tətbiq etməsinə şərait yaradıb. Onun sözlərinə görə:
“Əmin olun ki, biz birləşdikdə kimsə bizə qarşı heç nə edə bilməz.”
O, sionist rejimin davam edən hücumlarının səbəbini Livanda silahın mövcudluğu deyil, “işğalın mərhələli şəkildə genişləndirilməsi layihəsi” ilə əlaqələndirib və ABŞ-la İsrailin Livanın daxili işlərinə müdaxilə etməyə haqqı olmadığını vurğulayıb.
“Heç kim Hizbullahı müdafiə qabiliyyətindən məhrum edə bilməz”
Şeyx Nəim Qasim bəyan edib ki, Hizbullah öz müdafiə gücündən heç vaxt imtina etməyəcək:
“Dünyada heç kimin bizi müdafiə qabiliyyəti əldə etməkdən və onu qorumaqdan məhrum etməyə gücü çatmaz.”
O əlavə edib ki, Hizbullah nə geri çəkiləcək, nə də təslim olacaq və İsrail-Amerika təzyiqlərinə heç bir əhəmiyyət verməyəcək.
“Hizbullah ölkənin daxili həyatının ayrılmaz hissəsidir”
Çıxışında Qasim bildirib ki, Hizbullah Livanda heç vaxt təcrid olunmayıb, əksinə bütün siyasi tərəflərlə əməkdaşlıq edən milli müqavimət hərəkatının bir parçasıdır. Partiyanın heç vaxt öz iradəsini başqalarına zorla qəbul etdirmədiyini, əksinə dövlət quruculuğu prosesində tərəfdaşlıq etdiyini qeyd edib.
Papa Fransiskin Livana mümkün səfəri fonunda partiyanın açıqlamasına yönələn tənqidlərə də cavab verən Qasim bildirib ki, hücumların geri planında “partiyanın təsirini azaltmaq istəyən dairələr” dayanır:
“Bizə yönələn oxlar təsirimizin göstəricisidir və bizi daha da qətiyyətli edir.”
“Hizbullahın mövcudluğunu silmək istəyirlər, amma buna imkan verməyəcəyik”
Sonda o vurğulayıb ki, Hizbullahın məqsədi dövlətin qurulması və torpaqların azad edilməsidir və partiya bunun üçün kimsədən icazə almır, kimsəyə də “şəhadətnamə” vermir. Qasim bildirib ki, ABŞ və İsrail partiyanın varlığını silmək istəyir, lakin:
“Heç bir halda buna imkan verməyəcəyik.”
