Xaureqisar: “Bu, final deyil, amma çox vacib oyundur”
UEFA Çempionlar Liqasının 3-cü turunda “Atletik” – “Qarabağ” qarşılaşması öncəsi ispan klubunun yarımmüdafiəçisi Mikel Xaureqisar Ağdam təmsilçisi barədə fikirlərini bölüşüb.
21 yaşlı futbolçu “AS” nəşrinə müsahibəsində oktyabrın 22-də “San Mames” stadionunda baş tutacaq oyun haqda danışıb. O, qarşılaşmanı “final olmasa da, çox vacib bir sınaq” adlandırıb:
“Komandamız çox istəklidir və motivasiyası yüksəkdir. Artıq Çempionlar Liqasında növbəti mərhələyə iddialı olduğumuzu göstərməyin vaxtıdır. ‘Qarabağ’ hazırda əla formada çıxış edir və qarşıdakı oyun bizim üçün asan olmayacaq.”
“Qarabağ” təsadüfi komanda deyil”
Xaureqisar “Qarabağ”ın iki oyundan sonra altı xal toplamasına münasibət bildirərkən, bunun heç də təsadüfi olmadığını vurğulayıb:
“Bu, məni təəccübləndirmir. Çempionlar Liqasına heç bir komanda təsadüfən düşmür. ‘Qarabağ’ın yaxşı təşkilatlanmış komandası və keyfiyyətli futbolçuları var. Onlar iki oyundan maksimum nəticə əldə ediblər və bu, təsadüfi deyil.”
İspan futbolçu əlavə edib ki, “Atletik” doğma azarkeşləri qarşısında oyunun ritmini ələ almağa çalışacaq:
“Biz ‘San Mames’de oynayacağıq, bu isə bizim üçün üstünlükdür. Çətin matç olacaq, amma oyuna nəzarəti ələ alıb üç xal qazana biləcəyimizə inanıram.”
“Qarabağ” Çempionlar Liqasında inamla irəliləyir
Xatırladaq ki, “Qarabağ” Çempionlar Liqasının ilk iki turunda ardıcıl qələbələr qazanaraq qrupda liderliyini ələ alıb. Ağdam təmsilçisi növbəti oyunda səfərdə “Atletik”lə qarşılaşacaq.
Müşahidəçilər hesab edirlər ki, bu görüş qrup mərhələsində hər iki komandanın növbəti taleyini müəyyənləşdirə biləcək ən önəmli qarşılaşmalardan biridir.
