Finalın ən maraqlı hekayələrindən biri
2026 FIFA Dünya Kubokunun finalında təkcə İspaniya və Argentina milliləri deyil, eyni zamanda iki fərqli nəslin tanınmış məşqçiləri – Luis de la Fuente və Lionel Skaloni də üz-üzə gələcək.
Bir vaxtlar müəllim və şagird olan iki mütəxəssis bu dəfə dünya çempionluğu uğrunda rəqib olacaq.
Müəllimdən dünya çempionluğu dərsi
2017-ci ildə İspaniya Futbol Federasiyasının Las Rosas şəhərində təşkil etdiyi məşqçi hazırlığı kursunda Luis de la Fuente təlimçi kimi fəaliyyət göstərirdi.
Həmin vaxt futbolçu karyerasını yenicə başa vuran Lionel Skaloni isə məşqçilik fəaliyyətinə hazırlaşır və ilk peşəkar biliklərini məhz De la Fuentedən alırdı.
İllər keçsə də, onların peşəkar münasibətləri davam edib.
De la Fuente keçmiş şagirdini təriflədi
İspaniya millisinin baş məşqçisi Luis de la Fuente Lionel Skalonini yüksək qiymətləndirərək onu “usta” adlandırıb.
O, Dünya Kubokunun finalında Argentina ilə qarşılaşacaq olmasından məmnunluq duyduğunu bildirib.
Skaloni də müəllimini unutmadı
Lionel Skaloni isə daha əvvəl Amerika Kuboku zamanı verdiyi açıqlamada Luis de la Fuentenin məşqçilik karyerasının ilk illərində ona böyük dəstək göstərdiyini və inkişafında mühüm rol oynadığını demişdi.
Beləliklə, Dünya Kubokunun finalı həm də illər əvvəl eyni sinif otağını bölüşən müəllim və şagirdin ən böyük futbol səhnəsində ilk rəqabəti kimi tarixə düşəcək.
