20.12.2021 12:34:39
Zəkzaki Zaria qətliamının 6-cı ilində höküməti tənqid edib.
Rasthaber Azərbaycan xəbər verir ki, Nigeriya İslami Hərəkatının lideri Şeyx İbrahim Zəkzaki Zaria qətliamının 6-cı ilində höküməti tənqid edib.
Şeyx Zəkzaki "Nigeriya höküməti müxaliflərini qanunları heçə sayaraq qətlə yetirir. Xalqın istəklərinə zidd addım atır", -deyə bildirib.
Nigeriya İslami Hərəkatının lideri "Altı il öncə törədilən Zaria qətliamında təhlükəsizlik gücləri şəhəri 3 gün mühasirədə saxladı, 20-dən çox mülki vətəndaşı qətlə yetirdi və naməlum yerlərdə cəsədləri yandırdılar. Bir hərbiçinin öldürülməsində ittiham olunan 500 nəfərdən çox şəxs həbs olu
ndu, lakin məhkəmə hamısına bəraət verdi.", -deyə əlavə edib.
Zəkzaki qeyd edib ki, hökümətə deyil, xalqa ümidi var: "Hökümətə güvənmirik, çünki hökümət xalqın istəklərinə qarşı çıxır."
13 dekabr 2015-ci ildə Nigeriya ordusu Zaria şəhərinə hücum edərək hüseyniyədə cəm olan müsəlmanlara qarşı zor tətbiq etmiş, çox sayda insan şəhid edilmişdi. Şəhid edilənlər içində Zəkzakinin 3 övladı da varıydı. Güc strukturları o gün İbrahim Zəkzaki və həyat yoldaşını həbs etmiş, 2019-da isə Nigeriya İslami Hərəkatının fəaliyyəti qadağan edildi.
