Türkiyənin 81 vilayətində yeni növ koronavirus (COVID-19) infeksiyası ilə mübarizə çərçivəsində yeni məhdudiyyətlər qüvvəyə minib

Rasthaber xəbər verir ki,  bu barədə Türkiyənin Daxili İşlər Nazirliyinin 81 vilayətə göndərdiyi yazılı qərarda göstərilir.

Yeni qərara görə, bazarlar, marketlər, ictimai nəqliyyat, küçə və prospektlər, parklar, alış-veriş mərkəzləri kimi insanların kütləvi toplaşdığı yerlərdə nəzarət tədbirləri gücləndiriləcək. 

İctimai iaşə müəssisələri, bərbərxanalar, gözəllik salonları, mərasim evləri, idman zalları, internet kafelər, bilyard salonları, əyləncə mərkəzləri, konsert salonları, üzgüçülük hovuzlarının iş vaxtı saat 22:00-dək müəyyən edilib.

Eyni zamanda, bütün özəl sektora uzaqdan iş rejiminə keçmək tövsiyə olunub.

Qeyd olunub ki, bu gündən etibarən məhdudiyyətlərə əməl etməyən vətəndaş və müəssisələr cəzalandırılacaq.