Sionist İsrail rejiminin İrana qarşı həyata keçirdiyi hücumlarda şəhid olanların cənazələri bu səhər Tehranın İnqilab Meydanından Azadlıq Meydanına doğru keçirilən kütləvi vida mərasimi ilə son mənzilə yola salınıb.
Rasthaber Azərbaycan xəbər verir ki, İslami Təbliğat Koordinasiya Şurasının sədri tərəfindən verilən məlumata görə, 60 şəhidin nəşi İran xalqının çiyinləri üzərində dəfnə aparılacaq.
İran xalqından geniş iştirak
Səhər tezdən "Ləbbeyk ya Hüseyn" yazılı qırmızı bayraqlar və anti-sionist, anti-Amerika şüarları ilə İnqilab Meydanında toplaşan minlərlə insan, şəhidlərin ruhuna ehtiramlarını ifadə edib.
“Kahrolsun İsrail” və “Kahrolsun Amerika” səsləri, xüsusilə son 12 gündə baş verənlər fonunda yaşanan kədərin və qəzəbin bariz ifadəsi olub.
Şəhid ailələri ön sırada
Törendə şəhidlərin anaları, ataları, həyat yoldaşları və övladları ön sıralarda iştirak ediblər. Bu mənalı iştirak mərasimə dərin emosional və simvolik məna qatıb.
Qurani-Kərim tilavəti ilə rəsmi başlanğıc
Vida mərasimi Qurani-Kərimdən Həcc surəsinin 38-ci ayəsinin tilavəti ilə rəsmi şəkildə başlanıb:
"Şübhəsiz ki, Allah iman edənləri müdafiə edər. Həqiqətən, Allah heç bir xain və nankoru sevməz."
Uşaqların nəşi ön sırada daşınıb
Mərasimdə İsrailin hücumları nəticəsində şəhid olan azyaşlıların cənazələrini daşıyan nəqliyyat vasitəsi kortejin önündə yer alıb və izdihamın diqqət mərkəzində olub.
