Suriyanın şimalındakı Azez rayonunda bomba yüklü avtomobilin partlaması nəticəsində 4 nəfər həyatını itirib, 20 nəfər yaralanıb.

Az.rasthaber.com  xəbər verir ki, AA xəbərlərinin verdiyi məlumata görə, Hələbin şimalında Azezdə hərəkətli küçədə avtomobilə yerləşdirilən bomba partlayıb.

İlkin məlumata görə, terror aktı nəticəsində 4 mülki şəxs ölüb, 20 mülki şəxs yaralanıb.

Hücumdan sonra ətrafda təhlükəsizlik tədbirləri gücləndirilib, yaralılar Azez xəstəxanasına aparılıb.

Yerli təhlükəsizlik qüvvələri hadisə yerində araşdırma aparıb və hücumla bağlı araşdırmalara başlayıb.

Hələlik heç kim hücuma görə məsuliyyəti üzərinə götürməyib.