Pakistan istehsalı olan "Shaheen II" ballistik raketinin sınaq buraxılışı həyata keçirilib.

Az.rasthaber.com xəbər verir ki, bu barədə Pakistan Müdafiə Nazirliyindən məlumat verilib.

Bildirilib ki, taktiki-texniki göstəricilərin yoxlanılışı üçün keçirilən sınaq uğurlu olub.

Sözügedən ballistik raketin "yer-yer" tipli olduğu qeyd edilib.

Həmçinin əlavə edilib ki, sınaq zamanı raketin dəqiqliyinin və HHM sistemlərindən yayına bilmək potensialının yüksəldilməsi məqsədilə istifadə olunan fərqli-fərqli alt sistemlərin effektivliyi də dəyərləndirilib.