Sionist İsrailin Qəzzanın şimal-qərbində toplaşan fələstinliləri hədəf alan bombardmanlarında 3 nəfər şəhid olub.

Az.rasthaber.com xəbər verir ki, Qəzzada Mülki Müdafiə Birliyi İsrail ordusunun Qəzza şəhərinin Əl-Şati rayonunu hədəf aldığını açıqlayıb.

Hücumda 3 fələstinlinin şəhid olduğu, çoxlu sayda insanın yaralandığı açıqlanıb.

Sionist İsrailin oktyabrın 7-dən Qəzza zolağına həyata keçirdiyi hücumlarda azı 15 min 694-ü uşaq, 10 min 279-u qadın olmaqla, 38 min 794 fələstinli şəhid olub, 89 min 364 nəfər isə yaralanıb.

Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.