Əfqanıstanın qərbindəki Herat vilayətində meydana gələn sel fəlakətində 14 nəfər həyatını itirib.

Rasthaber Azərbaycan trthaber-ə istinadən xəbər verir ki, Herat icra həkimiyyət başçılığının sözçüsü Ceylani Fərhad ölkədəki sel fəlakətinə dair açıqlamasında güclü yağışların səbəb olduğu daşqın nəticəsində Adrasken qəsəbəsində 14 nəfərin həyatını itirdiyini, xeyli sayda malqaranın tələf olduğunu bildirib.

Sözçü Heratın Uba rayonunda da daşqınların meydana gəldiyini çox sayda evin su altında qaldığını, insan itkisinin olub-olmadığının hələ bilinmədiyini, ərazidə axtarış və xilasetmə işlərinin davam etdiyini bildirib.