Petro yeni hakimiyyətə sərt mesaj verdi
Avqustun 7-də vəzifəsini təhvil verəcək Kolumbiya Prezidenti Qustavo Petro ölkənin yeni seçilmiş Prezidenti Abelardo de la Espriyyanı həm xarici siyasət, həm də seçki prosesi ilə bağlı kəskin tənqid edib.
Bolivar bölgəsində çıxış edən Petro bildirib ki, yeni administrasiyanın İsraillə diplomatik münasibətləri yenidən qurmaq planı qəbuledilməzdir.
“Bu, milli ləyaqətə qarşı təhqirdir”
Prezident çıxışında Qəzzadakı hadisələrə toxunaraq İsraillə münasibətlərin bərpasını ölkənin milli dəyərlərinə zidd addım kimi qiymətləndirib.
Petro bildirib ki, belə bir hökumətlə diplomatik əlaqələrin yenidən qurulması Kolumbiyanın milli ləyaqətinə təhqirdir.
O, həmçinin Konqresin belə bir qərara dəstək verməsinin anlaşılmaz olduğunu vurğulayıb.
“Soyqırımı alqışlamaq faşizmdir”
Kolumbiya Prezidenti çıxışında bildirib ki, mülki insanların ölümünə səbəb olan hadisələrə dəstək vermək nə azadlıq, nə də dini dəyərlərlə uzlaşır.
Onun sözlərinə görə, soyqırımını alqışlamaq faşizmin təzahürüdür və belə siyasəti dəstəkləyən hökumətlər öz ölkələrində də oxşar yanaşma nümayiş etdirə bilərlər.
Hakimiyyət dəyişikliyi avqustun 7-də baş tutacaq
Qustavo Petro avqustun 7-də prezident səlahiyyətlərini Abelardo de la Espriyyaya təhvil verəcək. Petro bundan əvvəl də seçkilərin nəticələrini tanımadığını bəyan etmiş və yeni hakimiyyətə qarşı güclü müxalifət aparacağını açıqlamışdı.
