Ayətullah Seyid Əli Sistaninin ofisinə hicab qadağası ilə bağlı sual ünvanlanıb
Böyük dini mərcə Ayətullah Seyid Əli Sistaninin dəftərxanası İslam ölkələrindən birində qız məktəblərində hicabın qadağan edilməsi ilə bağlı dini sorğunu cavablandırıb.
Hövzə Xəbər Agentliyinin məlumatına görə, sorğuda məktəblərdə vahid geyim formasının tətbiq olunması nəticəsində hicablı şagirdlərin təhsil müəssisələrinə buraxılmaması, hicablı müəllimlərin isə dərs deməsinin qarşısının alınması məsələsi qaldırılıb.
Sualda şagird və müəllimlərin üzləşdiyi çətinliklər qeyd olunub
Dini sorğuda bildirilib ki, İslam ölkələrindən birində qız məktəblərində vahid geyim forması tətbiq edilərsə və bunun nəticəsində hicablı şagirdlərin məktəbə daxil olması, hicablı müəllimlərin isə hicabla dərs deməsi qadağan olunarsa, onlar ciddi zərər və ya ağır çətinliklə üzləşə bilərlər.
Bu halda həmin şəxslərə qeyri-İslam ölkələrində məktəblərdə hicabın qadağan edilməsi ilə bağlı tətbiq olunan dini hökmün şamil edilib-edilmədiyi soruşulub.
Hicabın mümkün qədər qorunması məsələsi qaldırılıb
Sorğuda qeyri-İslam ölkələrində hicab qadağası ilə qarşılaşan şəxslərin dini hicabı imkan daxilində qoruması məsələsinə toxunulub.
Nümunə olaraq baş örtüyü əvəzinə papaq taxmaqla baş tüklərinin böyük hissəsinin örtülməsi göstərilib.
Həmçinin boğazlı geyim vasitəsilə boynun çənəyə qədər tam örtülməsi qeyd olunub.
Zərurət halında hicabın hansı həddə qədər dəyişdirilə biləcəyi soruşulub
Sualda dini hicabdan yalnız zərurətin tələb etdiyi həddə imtina edilməsinin mümkünlüyü barədə də soruşulub.
Bununla əlaqədar İslam ölkəsində məktəbə giriş və müəllimlik fəaliyyətinin hicab səbəbindən qadağan olunması halında da eyni dini hökmün qüvvədə olub-olmadığına aydınlıq gətirilməsi istənilib.
Sorğunun sonunda belə vəziyyətdə hökmün qeyri-İslam ölkələri üçün göstərilən hökmlə eyni olduğu, yoxsa ondan fərqləndiyi barədə sual verilib.
Ayətullah Sistaninin dəftərxanasının cavabı
Ayətullah Seyid Əli Sistaninin dəftərxanası sorğuya cavabında şəxsi zərurətin hər bir halda kifayət etmədiyini bildirib.
Cavabda qeyd olunub ki, hicabdan imtina etməyə məcbur edən tələbə tabe olmaq cəmiyyət üçün ağır mənfi nəticələrə səbəb olarsa, yalnız şəxsi zərurət əsas götürülə bilməz.
“Cəmiyyətin mədəni kimliyinə vurulan zərər nəzərə alınmalıdır”
Dəftərxananın cavabında bildirilir:
“Əgər hicabdan imtina etməyə məcbur edən tələbə tabe olmaq ciddi ictimai fəsadlara səbəb olarsa, şəxsi zərurət kifayət etmir. Bu fəsadlar cəmiyyətin mədəni kimliyinə zərər vurulması və hakimiyyət orqanlarının onun İslami ənənələrini aradan qaldırmaq cəhdlərini davam etdirməsidir. Buna görə də bu məsələ mütləq nəzərə alınmalıdır. Şikayət yalnız Allahadır”.
