WhatsApp iOS üçün çoxlu hesab funksiyasını sınaqdan keçirir
WhatsApp, iOS istifadəçiləri üçün təqdim etdiyi son beta yeniləməsində çoxlu hesab dəstəyini işə salıb. Bu xüsusiyyət sayəsində istifadəçilər şəxsi məlumatların, məxfilik ayarlarının və söhbət tarixçələrinin qarışmasına yol vermədən bir cihazda bir neçə hesabı idarə edə biləcək.
Yeni funksiya tətbiqin “Parametrlər” bölməsinə əlavə edilən “Hesab Siyahısı” adlı menyu vasitəsilə nəzarət olunur. Beta istifadəçiləri həmçinin hesab dəyişikliyini asanlaşdıran, QR kod ikonunun yanında yerləşən xüsusi keçid düyməsinin əlavə edildiyini bildirirlər.
Dizayn, bir neçə profil arasında keçirilişi mümkün qədər rahat və intuitiv etmək üçün yenilənib.
İki hesab əlavə etmək mümkündür
Hazırkı beta mərhələsində tətbiq bir cihazda maksimum iki hesabı dəstəkləyir. Hesablar iki yolla əlavə edilə bilər:
-
tamamilə yeni hesab yaradılaraq,
-
və ya başqa cihazda aktiv olan hesabın QR kodu ilə qoşularaq.
Hər bir hesab özünə məxsus söhbət tarixçəsi, bildiriş ayarları və ehtiyat nüsxə planlaması ilə tam müstəqil işləyir. Bu ayrım hesablar arasında məlumat qarışmasının və ya bildirişlərin bir-birinə təsir etməsinin qarşısını alır.
Təhlükəsizlik artırılır: Proqram Kilidi
WhatsApp çoxlu hesab funksiyasına Proqram Kilidi mexanizmini də inteqrasiya edib. Əgər keçid edilən hesabda Proqram Kilidi aktivdirsə, tətbiq istifadəçidən Face ID, Touch ID və ya cihaz şifrəsi ilə kimlik doğrulaması tələb edəcək.
Bu əlavə təhlükəsizlik qatı bir neçə hesabın istifadə edildiyi hallarda belə şəxsi məlumatların qorunmasını gücləndirir.
TechNave-ın məlumatına görə, yeniləmə həmçinin WhatsApp-ın ehtiyat nüsxə sisteminə optimallaşdırma gətirir. Tətbiq hər iki hesabın backup proseslərini toqquşmadan idarə edir və məlumat itkisinin qarşısını alır.
Beləliklə, istifadəçilər hər iki hesab üçün paralel şəkildə problemsiz və fasiləsiz ehtiyat nüsxələrini saxlaya bilirlər.
Funksiya hələlik məhdud istifadəçi qrupuna açılıb
Hazırda çoxlu hesab funksiyası yalnız iOS üçün seçilmiş beta test istifadəçilərinə təqdim olunub. WhatsApp isə funksiyanı növbəti yeniləmələrdə daha geniş istifadəçi kütləsinə açmağı planlaşdırır.
