Aden mərkəzli və Ər-Riyadda yerləşən Yəmən hökumətindən olan bir rəsmi, Birləşmiş Ərəb Əmirliklərinin (BƏƏ) Cənubi Yəməndə yerləşən Meyun adasında İsrail üçün hərbi hava zolağı inşa etdiyini açıqlayıb.
“BƏƏ İsrail üçün hava zolağı tikib”
Tesnim Xəbər Agentliyinin Beynəlxalq Xəbərlər Xidmətinin məlumatına görə, Ər-Riyadda bağlı, Aden mərkəzli hökumətin İnformasiya Nazirliyinin müşaviri Arif Əbu Hatem bildirib ki, BƏƏ Aden körfəzində yerləşən Meyun adasında İsrailə məxsus təyyarələr üçün eniş zolağı yaradıb.
Hərbi və nəqliyyat təyyarələri üçün imkan yaradacaq
Əbu Hatem Səudiyyə Ərəbistanına bağlı “Əl-Əxbariyyə” televiziya kanalına verdiyi açıqlamada qeyd edib ki, sözügedən hava zolağı İsrailə məxsus hərbi və nəqliyyat təyyarələrinin eniş və qalxış etməsinə şərait yaradacaq.
Peyk görüntüləri və əvvəlki hesabatlar iddiaları təsdiqləyir
Daha əvvəl yayımlanan xəbərlər və peyk görüntüləri Babülməndəb boğazı yaxınlığında yerləşən Meyun adasında təxminən 1,85 kilometr uzunluğunda hava zolağının və çoxsaylı anqarların inşa edildiyini və ya artıq mövcud olduğunu ortaya qoymuşdu. Yəmən nazirlikləri və Səudiyyə Ərəbistanına bağlı bəzi hərbi rəsmilər bu tikinti fəaliyyətlərini BƏƏ ilə əlaqələndirmişdi.
“Əl-Cəzirə”: Eritreyadakı baza bağlandı, obyektlər Meyun adasına köçürüldü
Təxminən üç il əvvəl “Əl-Cəzirə” televiziya kanalı yayımladığı geniş araşdırma reportajında BƏƏ-nin Meyun adasındakı yeni tikinti fəaliyyətlərinin Eritreyadakı “Assab” hərbi bazasının bağlanması ilə eyni vaxta təsadüf etdiyini bildirmişdi.
Reportajda qeyd olunurdu ki, BƏƏ 28 dekabr 2020-ci il ilə 2 mart 2021-ci il tarixləri arasında Assab bazasındakı bütün obyektləri və hərbi texnikanı boşaldaraq iki nöqtəyə köçürüb. Bu nöqtələrin isə Meyun adası və Liviyanın sərhədinə yaxın, Misirdə yerləşən Sidi Barani bazası olduğu ifadə edilmişdi.
