Yəmən xalqı bu cümə günü ölkənin müxtəlif əyalətlərində ardıcıl 32-ci həftə olaraq keçirdikləri Qəzzə xalqı üçün həmrəylik və dəstək yürüşündə İran Prezidenti və onu müşayiət edən nümayəndə heyətinin helikopter qəzasında şəhid olması ilə bağlı İslam İnqilabının Ali Rəhbərinə, İran hökuməti və xalqına başsağlığı verib və həmrəyliyini ifadə edib.

Az.rasthaber.com xəbər verir ki, yürüş iştirakçılarının bəyanatında bildirilir: “Ağrılı hadisədə Prezident Ayətullah Seyid İbrahim Rəisi və onu müşayiət edən nümayəndə heyətinin şəhadəti ilə əlaqədar İran İslam Respublikasının Ali Rəhbərinə, hökumətinə və xalqına başsağlığı verir və onların kədərinə şərik olduğumuzu bildiririk.”