Yəmən silahlı qüvvələri ikinci dəfə "Truman" təyyarədaşıyan gəmisini hədəfə alıb və Amerikanın hava hücumlarını zərərsizləşdirib.
Az.rasthaber.com xəbər verir ki, Yəmən silahlı qüvvələri bazar ertəsi səhər verdiyi bəyanatda Amerikanın USS Harry Truman təyyarədaşıyan gəmisini son saatlarda ikinci dəfə müvəffəqiyyətlə hədəfə aldıqlarını və Yəmənə qarşı hava hücumunun qarşısını aldıqlarını açıqlayıb.
Yəmən silahlı qüvvələrinin bəyanatında bildirilib ki, Amerika təyyarədaşıyan gəmisi USS Harry Truman Qırmızı dənizin şimalında bir neçə saatdır davam edən qarşıdurmada son 24 saat ərzində ikinci dəfə çoxlu sayda ballistik vəژ qanadlı raketlər və PUA-lar ilə hədəfə alınıb.
Bəyanatda əlavə edilib: Yəmən silahlı qüvvələri düşmənin ölkəmizə qarşı həyata keçirməyə hazırlaşdığı düşmən hücumunu zərərsizləşdirə bilib və təyyarədaşıyan gəmi və onun bir sıra hərbi gəmilərinə çoxlu sayda raket və PUA atdıqdan sonra onun döyüş təyyarələri havaya qalxdıqları yerdən geri qayıtmağa məcbur olublar.
Bundan əvvəl Yəmən silahlı qüvvələri bazar günü gecə bir bəyanat yayaraq, bu ölkənin silahlı qüvvələrinin ABŞ-ın Yəmənə qarşı təcavüzünə cavab olaraq xüsusi əməliyyatda Qırmızı dənizin şimalında Amerikanın "USS Harry Truman" təyyarədaşıyan gəmisini və ona aid döyüş gəmilərini 18 raket və PUA hədəfə aldığını bildirib.
Yəmən Silahlı Qüvvələri əlavə edib: Amerika son bir neçə saatda 47-dən çox hava hücumu ilə Səna, Səada, Əl-Beyda, Həccə, Zəmar, Marib və Əl-Cəvf əyalətlərində bir neçə bölgəni hədəfə alıb və onlarla yəmənli mülki vətəndaşı qətlə yetirib.
