Yəmən Silahlı Qüvvələrinin sözçüsü cümə günü səhər saatlarında Yəmən ordusu və Xalq Komitələrinin Pilotsuz uçan aparatının, Səudiyyə Ərəbistanının cənubunda yerləşən "Əsir" əyalətinin "Xamis Muşeyt" bölgəsindəki "Kral Xalid" hava bazasına hücumundan xəbər verib.
Rasthaber Azərbaycan İran mediasına istinadən xəbər verir ki, Yəmən Silahlı Qüvvələrinin sözçüsü Yəhya əl-Sari, iki Yəmən ordusunin iki ədəd Qassif K2 yerli PUA-sının Kral Xalid Hava Bazasını bombaladığını bildirib.
Yəmən Silahlı Qüvvələrinin sözçüsü Yəhya əl-Sari, hücumun düşmənin cinayətlərinə , mühasirəyə həmçinin Səudiyyə təcavüzkarları koalisiyasının Yəmənə qarşı hücumlarının davam etməsinə cavab olaraq həyata keçirildiyini açıqlayıb.
"Cizan" və "Əbha" hava limanları və Səudiyyə Ərəbistanın cənubundakı "Kral Xalid" Hava Bazası son aylarda Yəmən ordusu və xalq komitələri-nin PUA-ları və raket bölmələri tərəfindən dəfələrlə hədəfə alınıb.
Bu iki hava limanı, həmçinin Kral Xalid Hava Bazası, Yəməndə Səudiyyə koalisiyası hücumlarında istifadə edilən döyüşçülərə yanacaq doldurmaq və dəstək vermək üçün istifadə olunur.
Səudiyyə Ərəbistanı, ABŞ, BƏƏ və bir sıra digər ölkələrin dəstəyi ilə 2015-ci ilin martından bəri Yəmənə hərbi təcavüzə və quru, dəniz və hava mühasirəsinə başladı. Səudiyyə Ərəbistanı və müttəfiqlərinin Yəmənə hücumu indiyədək 17 mindən çox yəmənlini öldürüb ,on minlərlə insanı yaralayaraq, milyonlarla yəmənlini didərgin salıb.
Səudiyyə hərbi təcavüzü həm də yoxsul Yəmən ölkəsini ciddi qida və dərman çatışmazlığı ilə tərk edib.
