ABŞ-ın Yəmənin müxtəlif şəhərlərinə endirdiyi hava zərbələri nəticəsində 1 nəfərin şəhid olduğu, 10 nəfərin yaralandığı bildirilib.
Az.rasthaber.com xəbər verir ki, Əl-Məsirə-nin məlumatına görə, ABŞ döyüş təyyarələri Səna, Cavf və Səda şəhərlərinə 26 hava zərbəsi endirib.
Xəbərdə Sədaya edilən hücumlarda 1 nəfərin şəhid olduğu, 3 nəfərin yaralandığı bildirilib.
Ənsarullah hökumətinin sözçüsü Enis əl-Əsbahi yazılı açıqlama verərək, Sənaya hücumda 7 mülki vətəndaşın yaralandığını bildirib.
Bununla da cümə günü ABŞ-ın Yəmənə qarşı həyata keçirdiyi hücumların sayı 69-a çatıb. Bu, ABŞ-ın indiyədək Yəmənə qarşı həyata keçirdiyi ən şiddətli hücumdur.
ABŞ gün ərzində Səna, Səda, Hudeyda, Cavf, Marib və Amrana 43 hava zərbəsi endirib.
Yəmənin Ənsarullah Hərəkatı sionist rejimin bu ölkə xalqına qarşı hücumları dayandırılana və amansız mühasirə aradan qaldırılana qədər məzlum Fələstin xalqına verdiyi dəstək çərçivəsində Qırmızı dənizdə Sionist Rejimə aid gəmiləri və bu rejimə bağlı gəmiləri hədəf alacağını açıqlayıb.
