Ötən gün axşam saatlarından başlayaraq Xaçmaz rayonuna yağan güclü yağış bir sıra fəsadlar törədib.

Az.rasthaber.com xəbər verir ki, rayon mərkəzi də daxil olmaqla bir sıra yaşayış evlərinin həyət və zirzəmilərini su basıb.

Xaçmaz Fövqəladə Hallar Komissiyasının sədri Bəxtiyar Osmanovun verdiyi məlumata görə, ümumilikdə “Qaynar xətt”ə 800-dək müraciət daxil olub. B.Osmanov bildirib ki, ilkin hesablamalar görə, 200-dək evə müxtəlif dərəcəli ziyan dəyib.

Onun sözlərinə görə¸ötən gün axşam saatlarından etibarən rayonun 80 faizində elektrik enerjisinin verilişində yaranan fasilələr hissə-hissə aradan qaldırılır. 

Hazırda dəyən ziyanın aradan qaldırılması və dəymiş ziyanın hesablanması istiqamətində işlər davam etdirilir.