Türkiyənin Milli Müdafiə Nazirliyi paylaşım edərək "Komandolarımız terrorçuların yuvasındadır" deyə bildirib

Rasthaber Azərbaycan TRT-yə istinadən xəbər verir ki, Türkiyənin Milli Müdafiə Nazirliyi Pəncə-Qaplan əməliyyatı çərçivəsində komandoların terror təşkilatı PKK-nın İraqın şimalındakı Haftanin bölgəsindəki sığınacaqlarını və mağaralarını məhv etdiyi görüntülərini paylaşım edib.
Milli Müdafiə Nazirliyinin paylaşmasında: "Qəhrəman komandolarımız terrorçuların yuvasındadır! Pəncə-Qaplan  əməliyyatı uğurla davam edir. Axtarış fəaliyyətlərini fasiləsiz davam etdirən komandolarımız terror təşkilatı PKK-nın sığınacaqlarını, mağaralarını bir-bir məhv edir" ifadəsi işlədilib.