Türkiyə nəqliyyat və infrastruktur naziri Adil Karaismailoğlu bu haqda açıqlama verib
Rasthaber Azərbaycan TRT-yə istinadən xəbər verir ki, Türkiyə nəqliyyat və infrastruktur naziri Adil Karaismailoğlu 1 iyundan başlayaraq hava yolunda daxili xətt uçuşlarının başlanacağını bildirib.
A.Karaismailoğlu sözügedən mövzu ilə bağlı deyib: “İlk uçuşlar İstanbuldan Ankara, İzmir, Antaliya və Trabzona olacaq. Digər uçuşlara isə mərhələli şəkildə keçiləcək”.
Korona virusu (Covid-19) epidemiyası ilə bağlı uçuşlarını təxirə salan Türkiyə Hava Yolları (THY) da səyahət məhdudlaşdırmasının aradan qaldırılmasından sonra ilk uçuşunu 1 iyun bazar ertəsi günü səhər saat 10.00-da İstanbuldan paytaxt Ankaraya gerçəkləşdirəcək.
Rəsmi “twitter” ünvanından məlumat paylaşan THY mətbuat müşaviri Yəhya Üstün bildirib: "Bu qədər həsrət yetər! 1 iyundan yenidən aid olduğumuz yerdə - səmada olacağıq".
Qeyd edək ki, ilk uçuşda nəqliyyat və infrastruktur naziri Karaismailoğlu da iştirak edəcək.
