Əfqanıstanda “Taliban” hərəkatının silahlıları Kabildə nümayiş təşkil edən qadınlara atəş açıblar.

Az.rasthaber.com "Oxu.az"-a istinadən xəbər verir ki, insident İtaliyanın “Emergency” humanitar təşkilatının xəstəxanasının ərazisində baş verib.

Ölən və yaralananlar barədə məlumat verilmir.

Qeyd edək ki, bundan əvvəl bir qrup qadının Əfqanıstanın paytaxtında hüquqlarına hörmət edilməsi və yaşayış şəraitinin yaxşılaşdırılması tələbi ilə etiraz aksiyası keçirdikləri barədə xəbər yayılıb. Narazı qadınlar “Biz ac insanların səsiyik”, “Qadınlar oyanıb, biz ayrıseçkiliyə nifrət edirik” kimi şüarlarla çıxış ediblər.