Suriyadakı hadisələrlə bağlı son xəbərlər Tərtus şəhərinin ətrafında şiddətli toqquşmaların getdiyini göstərir.
Az.rasthaber.com xəbər verir ki, Suriyanın rəsmi xəbər agentliyi (SANA) Suriya müvəqqəti hökumətinin Müdafiə Nazirliyindəki mənbəyə istinadən bildirib ki, hazırda Tərtus şəhərinin ətrafındakı “Taenita” kəndi ətrafında şiddətli toqquşmalar gedir.
Mənbə əlavə edib ki, onun Bəşər Əsəd rejiminə bağlı hərbi cinayətkarlar kimi təsvir etdiyi bir çox silahlı ünsür Tərtusun Taanita kəndinə gedib.
Əl-Cəzirə mənbələri də Latakiya şəhərinin girişlərində Colani hökumətinin təhlükəsizlik qüvvələri ilə silahlı müxalifət qrupları arasında şiddətli toqquşmaların olduğunu bildirib.
Suriyanın müvəqqəti hökumətinin Daxili İşlər Nazirliyi də bir neçə saat əvvəl təhlükəsizliyi nəzarətə götürmək və sakitliyi bərpa etmək üçün Qədmus bölgəsinə hərbi texnika göndərdiyini açıqlayıb.
Suriyanın sahil bölgəsindəki Cəblə kəndində Suriya müvəqqəti hökumətinin polis patrul maşını da atəşə tutulub.
Bir neçə saat əvvəl xəbər mənbələri Dəra və Dəməşq şəhərləri arasında kabellərin kəsilməsindən sonra Dəra və Suveyda əyalətlərində rabitə və internet xidmətlərinin dayandırıldığını bildirib.
