Səudiyyə Ərəbistanında Kral Hərbi Hava Qüvvələrinə məxsus F-15 tipli döyüş təyyarəsinin qəzaya uğradığı bildirilib.

Az.rasthaber.com xəbər verir ki, bu barədə Səudiyyə Ərəbistanı Müdafiə Nazirliyinin sözçüsü, polkovnik Turki əl-Maliki məlumat verib.

Məlumata görə, Kral Hərbi Hava Qüvvələrinə məxsus F-15 tipli döyüş təyyarəsi ölkənin şərqindəki Kral Əbdüləziz Hava Bazasında təlim uçuşu həyata keçirərkən qəzaya uğrayıb.

Sözügedən təyyarənin texniki nasazlıq nəticəsində qəzaya uğradığını bildirən Maliki, təyyarədəki pilotların atma oturacaqlarından istifadə edərək tullandığını qeyd edib.