Sionist İsrail ordusu HƏMAS-ın hərbi qanadı İzzəddin Əl-Qəssam Briqadalarının komandiri, daha əvvəl öldürüldüyünü elan etdiyi Heysem Həvəcrinin sağ olduğunu etiraf edib.
Az.rasthaber.com xəbər verir ki, İsrail ordusundan verilən açıqlamada 3 dekabr 2023-cü ildə həyata keçirilən hücumda Havacrinin hədəf alındığı bildirilib.
Açıqlamada, İsrailin daxili kəşfiyyat təşkilatı Şin-Bet (Şabak) və ordu rəsmilərinin hücumdan sonra Həvəcrinin öldürülməsi ehtimalının "yüksək" olması ilə bağlı qiymətləndirmələrinin elana səbəb olduğu bildirilib.
Qeyd edilib ki, ətraflı araşdırmadan sonra Şin Betin və İsrail ordusunun qiymətləndirməsinin yanlış olduğu sübut edilib.
Digər tərəfdən, Fələstin mənbələri, Xan Yunisdə bu gün keçirilən məhbus mübadiləsinin dördüncü turunda sərbəst buraxılan ABŞ-İsrail ikili vətəndaşı Keith Siegeli Qırmızı Xaç rəsmilərinə təhvil verənlər arasında Həvəcrinin də olduğunu bildirdi.
İsrail ordusu da may ayında Qəssam Briqadalarının komandirlərindən biri olan Hüseyn Fəyyadın Qəzzanın şimalındakı Cibaliya bölgəsində bir tuneldə öldürüldüyünü açıqlasa da, Fəyyadın sağ olduğu ortaya çıxanda İsrail ilkin sözlərini inkar etmək məcburiyyətində qaldı bəyanat verdi və HƏMAS komandirinin öldürülmədiyini etiraf etdi.
