Nigeriyanın İslami Hərəkat bürosunun üzvü bildirib
Rasthaber Azərbaycan xəbər verir ki, Nigeriyanın İslami Hərəkat bürosunun bir üzvünün açıqlamasına görə, Şeyx İbrahim Zəkzaki özünün və həyat yoldaşının həbsdə saxlanıldığı mərkəzdə bir neçə yaxını ilə görüşüb.
Görüş zamanı o böyük İslam alimi Ayətullah Misbah Yəzdinin ölüb xəbərini eşidib.
Nigeriya şiələrinin lideri bu xəbərdən üzüldüyü və bununla bağlı “Ayətullah Misbah Yəzdi sadəcə şiələr arasında deyil, sünnilər arasında da çox tanınmış biri idi. Bu seçilmiş alim, İslam Vəhdəti sahəsində böyük zəhmət çəkmiş, Şiələr və Sünnilər arasındakı vəhdət məsələsinə çox ciddi yanaşmışdır.”, -deyə bildirib.
Nigeriyanın İslami Hərəkat üzvü Zəkzakinin səhhəti ilə bağlı isə deyib: “Təəssüflər olsun ki, Şeyx Zəkzaki və həyat yoldaşının durumu yaxşı deyil, əlverişsiz şəraitdə yaşayırlar.”
Qeyd edək ki, şeyx İbrahim Zakzaki və onun həyat yoldaşı 2015-ci il dekabrın 13-də Nigeriya hərbçilərinin Zaria şəhərindəki hüseyniyyəyə basqını zamanı həbs olunublar.
17 iyun 2019-cu ildə aparılan müayinə zamanı Şeyx İbrahim Zakzaki və onun həyat yoldaşının səhhətində ciddi problemlər aşkarlanaraq bu barədə Kaduna vilayəti Ali məhkəməsinə ərizə göndərilib.
Avqust ayında Nigeriya hökuməti Şeyx İbrahim Zakzaki və həyat yoldaşını Hindistanda müaliciyə göndərib. Lakin daha sonra Şeyx İbrahim Zakzakinin həyatına təhülkə olması etirazından sonra Nigeriya hökuməti Şeyxi Nigeriyaya geri qaytararaq həbsxana şəraitində saxlayır.
