Rusiya Fövqəladə Hallar Nazirliyindən verilən açıqlamada Ukraynanın Belqorod şəhərinə hücumda 20 nəfərin öldüyü, 111 nəfərin yaralandığı bildirilib.

Az.rasthaber.com xəbər verir ki, Xarici İşlər Nazirliyi Ukraynanın Belqorod şəhərinə hücumun təşkilində Britaniya və ABŞ-ın əli olduğunu iddia edib.

Rusiya İstintaq Komitəsi də hadisə ilə bağlı araşdırmalara başlanıldığını bildirib.

Rusiya Təhlükəsizlik Şurasının sədr müavini Dmitri Medvedev bəyan edib ki, Belqoroda hücum Ukrayna ordusunun cəbhədə zəif olduğunu göstərib.

Rusiyanın insan haqları üzrə ali komissarı Tatyana Moskalkova beynəlxalq təşkilatları hücumu pisləməyə çağırıb.

Bildirilib ki, Rusiya Belqorodda baş verən hücuma görə BMT Təhlükəsizlik Şurasında (BMT TŞ) fövqəladə iclasın keçirilməsi və bu iclasda Çexiyanın BMT TŞ-dəki nümayəndəsinin iştirakı ilə bağlı müraciət edib.

Belqorod vilayətinin qubernatoru Vyaçeslav Qladkov dünən Telegram kanalında verdiyi açıqlamada Ukrayna ordusunun Belqorod şəhərinə hücuma keçdiyini və 61 binanın zərər gördüyünü bildirib.

Rusiya Müdafiə Nazirliyindən verilən açıqlamada, hücumun 2 ədəd çoxluqlu "Olha" raketi və Çexiya istehsalı olan "Vampir" raketi ilə həyata keçirildiyi, 2-si uşaq olmaqla 14 nəfərin öldüyü, 108 nəfərin yaralandığı bildirilib.