İran və Rusiya prezidentləri yaxın gələcəkdə görüşəcəklərinə ümid ediblər.

Rasthaber Azərbaycan İran mediasına istinadən xəbər verir ki, İran prezidenti Seyid İbrahim Rəisi ilə telefon əlaqəsində korona xəstəliyindən qorunmaq məqsədilə karantinə getdyini bildirən Rusiya prezidenti Vladimir Putin iki prezidentin ilk fürsətdə görüşməsi üçün koordinasiyanın aparılmasını istəyib.

Korona ilə mübarizəyə, həmçinin «Sputnik» peyvəndinin birgə istehsalı sahəsində Moskva-Tehran əməkdaşlıqlarına toxunan Rusiya prezidenti bu həmkarlıqların davam etməsinə təkid edib.

İran İslam Respublikasının prezidenti də bu telefon söhbətində Vladimir Putinə deyibdir ki, qarşılıqlı əməkdaşlıqların bütün cəhətlərdə genişləndirilib, dərinləşdirilməsi İran tərəfindən izləniləcək.