İran İslam Respublikasının prezidenti, ölkəsinin regional əməkdaşlığa böyük əhəmiyyət verdiyini vurğulayıb.

Rasthaber Azərbaycan İran mediasına istinadən xəbər verir ki,  İran prezidenti Seyid İbrahim Rəisi Şanxay Əməkdaşlıq Təşkilatının 21-ci sammitində iştirak etmək üçün Tehranı tərk edərkən jurnalistlərə müsahibə verib.

O jurnalistlərin suallarına cavab verərkən "Şanxay zirvəsinə qatılmaq və İran İslam Respublikasının fikirlərini və baxışlarını ifadə etməklə yanaşı, bu zirvəyə qatılan ölkələrin liderləri və yüksək vəzifəli rəsmiləri ilə də görüşlərimiz olacaq.", -deyə bildirib.

İran prezidenti bu səfərdə, tacik həmkarı ilə də görüşəcəyini qeyd edib.

O, İranla Tacikistan xalqları arasındakı mədəni və dini ortaqlıqlara toxunaraq bildirib: "Region ölkələri ilə əlaqə İran İslam Respublikasının prioritetlərindəndir və ümid edirik ki, bu səfərdə ölkələrin yüksək vəzifəli rəsmiləri ilə aparılacaq danışıqlar, Asiya ölkələri arasında əməkdaşlığın inkişafına səbəb olacaq və bu sahədə yeni addımlar atılacaqdır".