İran prezidenti İbrahim Rəisi deyib: “Düşmənlər çıxılmaz vəziyyətdə olduqları üçün günahsız dinc əhalini qətlə yetirirlər”.

Az.rasthaber.com xəbər verir ki, terror aktının baş verdiyi Kirman şəhərinə gedən İran prezidenti Seyid İbrahim Rəisi Şəhidlər Qəbiristanlığında keçirilən mərasimdə çıxış edib.

Rəis bugünkü İranın güclü bir dövlətdə olduğunu və şəhid general Qasım Süleymanini hörmətlə yad etdiyini bildirərək deyib:

“Qasim Süleymani İranın qüdrətini gücləndirdi. Bundan əlavə, Ayətullah Xamenei və tədbirli İran xalqının varlığı İslam sistemində ən mühüm güc komponentləridir".

Rəisi “Qasim Süleymani Amerikanın xəyanətkar planlarını alt-üst edərək İŞİD-i məhv etdi və düşmən bundan qəzəbləndi” kimi dəyərləndirmə edib.

Rəisi Kirmandakı terror hadisəsinə toxunaraq bildirib ki, bu hücumlar İranın düşmənləri, terrorçu agentlər və qaranlıq nümayəndələr tərəfindən həyata keçirilib.

İbrahim Rəis düşmənin dəfələrlə İran İslam Respublikasının qüdrətini sınaqdan keçirdiyinə işarə edərək, “Bildirmək istəyirəm ki, təşəbbüs hazırda silahlı qüvvələrimizin əlindədir. Xalqımız arxayın ola bilər, qisas alma vaxtını və yerini qüvvələrimiz müəyyən edəcək”, - deyə o bildirib.

Şəhidlərin İslam nizamının təməllərinin daha da möhkəmlənməsinə töhfə verəcəklərini ifadə edən prezident Rəisi deyib:

"Düşmənlər çıxılmaz vəziyyətdə olduqları üçün günahsız dinc insanları qətlə yetirirlər".