İran İslam Respublikasının Xarici işlər naziri bildirib ki, Türkiyə prezidenti Rəcəb Tayyib Ərdoğan yaxın vaxtlarda Tehrana səfər edəcək.

Az.rasthaber.com Eastnews.org-a istinadən xəbər verir ki, bu gün Tehranda Türkiyənin xarici işlər naziri Mövlud Çavuşoğlunu qəbul edən İran İslam Respublikasının xarici işlər naziri Hüseyn Əmir Abdullahian onunla görüşdən sonra birgə mətbuat konfransında iştirak edib.

Mətbuat konfransının əvvəlində xarici işlər naziri türkiyəli həmkarını salamlayaraq bildirib:

"Bu gün biz iki ölkə arasında əlaqələrin inkişafı ilə bağlı faydalı və mühüm danışıqlar barədə razılığa gəldik, bu danışıqlarda ekspert diplomatlar Tehran və Ankara arasında uzunmüddətli əməkdaşlıq üçün yeni yol xəritəsinin hazırlanması üçün ikitərəfli danışıqlarda razılığa gəldilər. Ümid edirik ki, Türkiyə prezidenti Rəcəb Tayyib Ərdoğanın Tehrana gələcək səfərində iki ölkə arasında uzunmüddətli əməkdaşlıq üçün yol xəritəsini ehtiva edən sənədi yekunlaşdıra biləcəyik. Biz iki ölkə arasında uzunmüddətli əməkdaşlıq üçün yol xəritəsinin müddəaları ilə bağlı diplomatik danışıqlara başlamağa razılaşdıq və ümid edirik ki, bu sənəd Türkiyə prezidentinin növbəti səfəri zamanı iki ölkə prezidentlərinin iştirakı ilə imzalanacaq".

O qeyd edib ki, müxtəlif regional və beynəlxalq məsələlərlə bağlı faydalı və yaxşı müzakirələrimiz olub: "Bu görüşdə biz ikitərəfli əməkdaşlığı sürətləndirmək üçün birgə mexanizmlər əldə etdik. Qarşılıqlı investisiyalar və özəl sektorun fəaliyyəti sahəsində iki ölkədə çoxlu imkanlar mövcuddur. Eyni zamanda, iki ölkənin ticarətçilərinin yolunda məhdud maneələr və problemlər müəyyən edildi və biz ən qısa zamanda lazımi addımların atılması ilə bağlı razılığa gəldik. İki ölkə arasındakı münasibətlər tarixi, dostluq və mehribançılıq üzərində qurulub və biz əməkdaşlığın inkişafında iki ölkə arasında olan bu tarixi və dərin əlaqələrə xüsusi diqqət yetirəcəyik".