Bu barədə Fələstin Səhiyyə Nazirliyi məlumat yayıb.

Rasthaber Azərbaycan trthaber-ə istinadən xəbər verir ki, İsrail ordusunun mühasirə altındakı Qəzza zolağına mayın 10-dan etibarən endirdiyi zərbələr nəticəsində həyatını itirən fələstinlilərin sayı 254 nəfərə yüksəlib. 

Bu barədə Fələstin Səhiyyə Nazirliyi məlumat yayıb. Məlumatda 11 gün davam edən hücumlar nəticəsində 66-ı uşaq, 39-u da qadın olmaqla 254 nəfərin həyatını itirdiyi, çox sayda adamın da yaralandığı bildirilib. 

İsrailin işğal altındakı Şərqi Qüdsdəki Əqsa məscidində ramazan ayında ibadət edənlərə hücum etməsi gərginliyin səviyyəsini artırmışdı. 

Qeyd edək ki, İsrailin tördətdiyi hücumlar Həmas ilə əldə olunan atəşkəs nəticəsində mayın 21-də yerli vaxtla saat 02.00-da sona çatmışdı.