HƏMAS-ın hərbi qanadı İzzəddin əl-Qəssam Briqadaları Qəssam Briqadaları Telegram platformasında Xan Yunus başda olmaqla Qəzza zolağının müxtəlif bölgələrində sionist İsrail əsgərlərinə qarşı həyata keçirdiyi hücumlarla bağlı məlumat paylaşıb.

Az.rasthaber.com xəbər verir ki, İşğalçı İsrail ordusunun istifadə etdiyi Merkava tankı və buldozer Yasin 105 raketi ilə hədəfə alınaraq məhv edilib.

Yazıda Qəzza zolağının cənubundakı Rəfah şəhərinin şərqində yerləşən İsrail hərbi qruplaşmasının ağır minaatanlarla hücuma məruz qaldığı və ölkənin şimalındakı Kiryat Şmona hava limanına 12 raketin atıldığı qeyd edilib.

Xan Yunus şəhərində bir binada yerləşdirilən 7 İsrail əsgərinin hədəf alınaraq öldürüldüyü də paylaşılıb.