Sionist İsrailin Qəzza zolağının Xan Yunus şəhərinə həyata keçirdiyi hava hücumunda 7 fələstinli şəhid olub, 22 nəfər yaralanıb.

Az.rasthaber.com xəbər verir ki, Fələstin Səhiyyə Nazirliyindən verilən yazılı açıqlamaya görə, qatil İsrail ordusu Xan Yunis şəhərinin şərqindəki Beni Süheyla qovşağına bir qrup Fələstin vətəndaşını hədəf alan hava hücumu həyata keçirib.

Hücum zamanı şəhid olan 7 nəfərin cəsədi, 22 yaralı isə şəhərdəki Nasser xəstəxanasına gətirilib.

Sionist İsrailin oktyabrın 7-dən Qəzza zolağına həyata keçirdiyi intensiv və şiddətli hücumlar nəticəsində 37 min 626 fələstinli şəhid olub, 86 min 98 nəfər isə yaralanıb.