Səhər saatlarında sionist İsrail ordusunun Qəzzanın mərkəzindəki Nusayrat Qaçqınlar Düşərgəsini havadan bombardman etməsi nəticəsində 7 nəfər həlak olub, çoxlu sayda insan yaralanıb.

Az.rasthaber.com xəbər verir ki, hadisə şahidləri İsrailin Nusayrat Qaçqınlar Düşərgəsinə təşkil etdiyi hava hücumunda 7 fələstinlinin şəhid olduğunu, bəzilərinin isə yaralandığını bildirib.

Sionist İsrail döyüş təyyarələri də Qəzza zolağının ortasındakı Deyr əl-Belah şəhərinin səmalarında intensiv uçuşlar həyata keçirib.

İşğalçı İsrail artilleriya bölmələri Qəzza zolağının cənubundakı Rəfah şəhərinin qərb məhəllələrinə hücum edib.

Digər tərəfdən, dünən axşam saatlarında qatil İsrail ordusuna aid döyüş təyyarələri Qəzza zolağının cənubundakı Rəfah şəhərinə hücum edib. Hücumlarda 9 fələstinli şəhid olub.

Sionist İsrailin oktyabrın 7-dən etibarən Qəzza zolağına həyata keçirdiyi hava, quru və dəniz hücumlarında əksəriyyəti qadın və uşaqlar olmaqla 37 min 347 fələstinli şəhid olub, 85 min 372 nəfər isə yaralanıb.