İsrail döyüş təyyarələrinin Qəzza zolağındakı bir evə təşkil etdiyi hava hücumu nəticəsində 6 nəfər həyatını itirib.

Az.rasthaber.com xəbər verir ki, Qəzza Mülki Müdafiə Təşkilatından verilən açıqlamada Qəzza şəhərində İsrail döyüş təyyarələrinin hücumuna məruz qalan bir evdən 6 nəfərin cəsədinin çıxarıldığı qeyd edilib.
Açıqlamada El-Arir ailəsinə məxsus 4 mərtəbəli binaya hava hücumu təşkil edildiyi, nəticədə biri hamilə olmaqla 6 nəfərin öldüyü bildirilib.
Açıqlamada hücum nəticəsində yaralanan mülki şəxslərin Qəzzadakı Əl-Ehli Baptist Xəstəxanasında müalicə olunduğu vurğulanıb.
Bombardmana məruz qalan evin dağıntıları altında axtarış-xilasetmə işlərinin aparıldığı qeyd olunub.