Sionist İsrail ordusunun xalqı ac və susuz qoyaraq humanitar fəlakətə səbəb olduğu və yardımların gəlməsinə mane olduğu Qəzza zolağında yardım maşınlarının gəlməsini gözləyən fələstinliləri hədəf alan hücumda çoxlu sayda insan şəhid olub.
Sionist İsrail əsgərləri Qəzza şəhərinin əl-Zeytun rayonunda Küveyt qovşağının yaxınlığında yardım maşınlarını gözləyən fələstinlilərə atəş açıblar.
Hadisə şahidləri hücumda kömək gözləyənlər arasında şəhid və yaralıların olduğunu, tibb qrupları və vətəndaşların ölən və yaralılara çatmaqda çətinlik çəkdiyini qeyd edib.
Sionist İsrail ordusunun martın 23-də Qəzza zolağında kömək gözləyən fələstinliləri hədəf alan hücumunda 19 nəfər şəhid olub, 23 nəfər yaralanıb.
Eləcə də sionist İsrail ordusu martın 19-da Küveyt qovşağında humanitar yardımı müşayiət etmək üçün gözləyən yerli komandaları hədəfə alıb və hücumda 23 fələstinli şəhid olub.
Sionist İsrailin 2023-cü il oktyabrın 7-dən Qəzza zolağına həyata keçirdiyi hücumlarda azı 14 min 280-i uşaq, 9 min 340-ı qadın olmaqla 32 min 705 fələstinli şəhid olub, 75 min 190 nəfər yaralanıb.
