Pakistan ordusunun Hərbi Dəniz Qüvvələrinin donanması İranın Bəndər Abbas limanında lövbər salıb.

Az.rasthaber.org xəbər verir ki, iki hərbi gəmidən ibarət Pakistan Sülh və Dostluq Donanması Qrupu bu gün İranın cənubundakı Bəndər Abbas limanında lövbər salıb.

İranda 3 günlük dostluq səfəri həyata keçirəcək dostluq donanması İran Hərbi Dəniz Qüvvələrinin komandanları tərəfindən rəsmi mərasimlə qarşılanıb.

Pakistanın ikinci admiralı Bilal qarşılanma mərasimində verdiyi açıqlamada İran və Pakistan dəniz qüvvələri arasında əlaqələrin inkişafından məmnun olduğunu bildirib.

Bildirilib ki, Pakistan Sülh və Dostluq Donanması Qrupu İrana səfəri zamanı Bəndər Abbas limanındakı turistik yerləri və şəhidlər məzarlığını ziyarət edəcək.