Pakistan ordusunun komandanı Seyid Asim Munir nümayəndə heyəti ilə birlikdə Tehranda danışıqlar aparıb.

Az.rasthaber.com xəbər verir ki, Pakistan ordusunun komandanı Seyid Asim Munir və onu müşayiət edən nümayəndə heyəti Tehrandakı təmasları çərçivəsində İran Silahlı Qüvvələrinin Baş Qərargah rəisi general-mayor Məhəmməd Baqiri ilə görüşüb.

Görüşdə hərbi, təhsil, müdafiə və təhlükəsizlik sahəsində əməkdaşlığın təkmilləşdirilməsi yolları müzakirə olunub.

General-mayor Baqiri iki qonşu ölkənin - İran və Pakistanın tarixi keçmişinin müxtəlif sahələrdə qarşılıqlı əlaqələrin inkişafına töhfə verdiyini deyib.

Pakistan ordusunun komandanı Asim digər İran rəsmiləri ilə də görüşəcək.