Özbəkistanın Surxandərya vilayətinin Denau şəhərində ticarət mərkəzində partlayış, ardınca yanğın baş verib.

Az.rasthaber.com "Oxu.az"-a istinadən xəbər verir ki, Respublika Fövqəladə Hallar Nazirliyinin mətbuat xidmətinin məlumatına görə, doqquz nəfər xəsarət alıb.

Qeyd edilir ki, hadisə ikimərtəbəli ticarət mərkəzində baş verib, nəticədə binanın divarları uçub. Hadisə yerinə gələn yanğınsöndürmə briqadaları yanğını söndürüb. Yaralılar xəstəxanaya yerləşdirilib.

Hadisənin səbəbləri ilə bağlı araşdırmalara başlanılıb.