Yəmən Ənsarullah Hərəkatı son 24 saat ərzində Qırmızı dəniz və Oman dənizində 3 gəmini ballistik raketlər və pilotsuz uçuş aparatları ilə vurduqlarını açıqlayıb.
Az.rasthaber.com xəbər verir ki, Ənsarullah Hərəkatının sözçüsü Yəhya Seri televiziyada yayımlanan çıxışında Qırmızı dəniz və Oman dənizində 3 hərbi əməliyyat keçirdiklərini bildirib.
Seri, Ənsarullahın Oman dənizində Verbena adlı gəmini ballistik raketlə vurduğunu və gəminin alovlandığını bildirib.
Qırmızı dənizdəki “SeaGuardian” və “Athena” gəmilərinin də birbaşa ballistik raketlər və İHA-larla vurulduğunu qeyd edən Seri, gəmilərə məxsus təşkilatlar haqqında məlumat verməyib.
Seri bildirib ki, hücumlar “Fələstin xalqına qarşı zülmün qələbə çalmasına, ABŞ və Böyük Britaniyanın Yəmənə hücumlarına cavab olaraq” həyata keçirilib.
Yəhya Seri vurğulayıb ki, “Sionist İsrailin hücumları dayanmayınca və Qəzza zolağında Fələstin xalqına qarşı tətbiq olunan blokada aradan qalxmayınca bu hücumlar dayanmayacaq”.
