Binyamin Netanyahu İsrail Prezidenti İsaak Hersoqa ölkənin yeni kabinetini formalaşdırmaq üçün ona verilən mandatın uzadılması ilə bağlı müraciət edib.

Az.rasthaber.com xəbər verir ki, İsrail İctimai Yayım Korporasiyasının (KAN) məlumatına görə, Netanyahu Hersoqdan yeni kabineti formalaşdırmaq üçün mandatının müddətini iki həftə uzatmağı istəyib.

“Hökumətin formalaşdırılması üzrə danışıqlar davam edir və böyük irəliləyiş əldə olunub”, - deyə Binyamin Netanyahu İsaak Hersoqa deyib. 

Başqa təfərrüatlara yer verilməyən xəbərdə İsrail prezidentinin Netanyahunun tələbini qəbul edib-etmədiyinə dair heç bir məlumat verilməyib.