NATO-ya üzv ölkələrin Baş Qərargah rəisləri alyansın həyata keçirdiyi əməliyyatları, missiyaları və fəaliyyətləri müzakirə etmək üçün iclas keçirirlər.

Rasthaber Azərbaycan trthaber-ə istinadən xəbər verir ki, Belçikanın paytaxtı Brüsseldəki NATO-nun mənzil-qərargahında keçirilən iclasa bəzi ölkələrin Baş Qərargah rəisləri şəxsən, bəziləri isə videokonfrans vasitəsi ilə qatılırlar.

Türkiyəni təmsil edən Baş Qərargah rəisi Yaşar Gülər videokonfrans vasitəsilə iclasa qatılanlar sırasındadır.

Hərbi Komitənin sədri Hava Ordu generalı Stuart Peachin rəhbərliyi altında keçirilən iclasda Baş Qərargah rəisləri NATO əməliyyatları, missiyaları və fəaliyyətləri müzakirə edəcək və Qətiyyətli Dəstək, NATO İraq Missiyası və Kosovo Qüvvələri çərçivəsindəki əməliyyat tərəfdaşları görüş keçirəcəklər.

İştirakçılar NATO-nun fəaliyyətlərinin keçən il qəbul edilmiş Avroatlantik bölgəsi çəkindirmə və müdafiə konsepsiyası ilə uyğunlaşdırma istiqamətindəki irəliləyişi nəzərdən keçirəcək, həmçinin NATO-nun döyüş konsepsiyasına dair tövsiyələrini yekunlaşdıracaqlar.

İclasda həmçinin koronavirus epidemiyasından alınan dərslərlə yanaşı mövcud və gələcəkdəki təhdidlər də müzakirə ediləcək.