30.05.2021 11:21:18
Müqtəda Sədr Bəşər Əsədi prezident seçkilərində qazandığı qələbəyə görə təbrik məktubu göndərib
İraqın "Sədr" hərəkatının lideri Seyid Müqtəda Sədr Suriya Prezidenti Bəşər Əsədi prezident seçkilərində qazandığı qələbəyə görə təbrik məktubu göndərib.
Dünən göndərilən mesajda Müqtəda Sədr bu qələbəni təqdirəlayiq adlandırıb.
İraqlı lider Bəşər Əsədin qələbə qazanmasını təbrik edərək, Suriyanın şərəfinin İraqın şərəfi olduğunu bildirib.
Qeyd edək ki, 26 mayda keçirilən seçkilərdə Bəşər Əsəd 13 540 860 səs və ya seçicilərin 95,1% faizini toplayıb.
Suriyada keçirilən prezident seçkilərində ölkə içi və xaricində ümumilikdə 14 239 140 seçici səsvermədə iştirak edib, bu da ölkə seçicilərinin 78,64 faizi deməkdir.
Suriyada bu il seçicilərin sayının 18 107 109 nəfər olduğu açıqlanmışdı.
